影片
更多
2021-04-16
264 瀏覽
星期一是多麼的討厭，因為代表繁忙嘅一週又要開始。不過喺前夕，即係星期日晚🤣，就要捉緊放假嘅尾巴。嚟到蘇豪區搵緊食乜之際，有個後生靚仔同我哋Say Hi喎👏。就喺咁嘅情況下，我哋就入咗去「微醺」，過咗愉快嘅一晚。酒吧餐廳面積唔大，不過裝修別具特色，高吧枱同矮餐枱都有。顏色主色係粉紅色同灰色，色調沉沉哋但感覺幾有氣氛😌，好襯微醺嘅主題。另外，牆身仲油上餐廳嘅名字添！餐牌好似一本書，入面附有大量插畫，非常之精美😍。除此之外，店員仲提供伴讀服務，講笑啫，其實係講佢服務態度無得頂，勁有熱誠，佢超有耐性向我哋逐一介紹菜式同雞尾酒👍。唔飲酒又點有得Fun(醺)呢？我哋嗌咗兩款Signature Cocktail🍸，男店員同時身兼調酒師，所以佢清楚講述每款嘅特色，作出推介。My Cup Of Tea ($168)，呢個係招牌中嘅招牌，一冷一熱，好玩又好飲😛。熱嗰杯用Homemade Infused Gin + Campari + Green Tea Syrup製成，而凍嗰杯同樣用Gin底，再溝Elderflower Liqueur + Yogurt + Apple Juice。用茶壺裝住嘅係熱酒，斟落
星期一是多麼的討厭，因為代表繁忙嘅一週又要開始。不過喺前夕，即係星期日晚🤣，就要捉緊放假嘅尾巴。嚟到蘇豪區搵緊食乜之際，有個後生靚仔同我哋Say Hi喎👏。就喺咁嘅情況下，我哋就入咗去「微醺」，過咗愉快嘅一晚。
酒吧餐廳面積唔大，不過裝修別具特色，高吧枱同矮餐枱都有。顏色主色係粉紅色同灰色，色調沉沉哋但感覺幾有氣氛😌，好襯微醺嘅主題。另外，牆身仲油上餐廳嘅名字添！
餐牌好似一本書，入面附有大量插畫，非常之精美😍。除此之外，店員仲提供伴讀服務，講笑啫，其實係講佢服務態度無得頂，勁有熱誠，佢超有耐性向我哋逐一介紹菜式同雞尾酒👍。
唔飲酒又點有得Fun(醺)呢？我哋嗌咗兩款Signature Cocktail🍸，男店員同時身兼調酒師，所以佢清楚講述每款嘅特色，作出推介。
My Cup Of Tea
$168
3 瀏覽
0 讚好
0 留言
Jumanji
$128
5 瀏覽
0 讚好
0 留言
Jumanji ($128)，呢杯用上Hakushu Japanese Whiskey + Fresh Lemon Juice & Cucumber Juice + Cucumber Syrup製成。🥃日本白州威士忌超香，齋聞已經覺得好舒服，飲落好順，酒味喺後勁。呢杯亦加咗檸檬汁同青瓜汁，味道就唔算好出，但感覺清新。我唔係好識點樣形容酒，但我就好鍾意呢杯。
帕馬火腿、無花果、自家製蜜瓜啫喱、田園沙律、西柚蜜糖汁
$168
6 瀏覽
0 讚好
0 留言
半熟呑拿魚春卷·他他醬
$68
2 瀏覽
0 讚好
0 留言
川辣脆炸單骨雞翼
$88
4 瀏覽
0 讚好
0 留言
烤慢煮煙肉西班牙豬柳卷($288)，配菜有蕃薯蓉、嫩甘筍同芥末籽蜜糖燒汁。主菜定價偏貴，前菜小食類就較為大眾化。🐷豬柳厚切成圓形，每件外圍再用煙肉包住🥓，煙肉似豬腩片多啲，因為無炸脆。豬柳肉配蜜糖燒汁食幾香口，甜得嚟唔漏，落咗啲芥末籽粒粒口感幾得意；但唯一略嫌豬柳肉質有啲鞋。至於蕃薯蓉🍠同甘筍🥕都好食，前者無橙色嗰類蕃薯咁飽滯，兩樣都清甜，仲可以平衡一下食大啖肉嘅罪惡感。
飲飽食醉之後，我哋出咗餐廳嘅騎樓位Hea下享受寧靜，終於等到無人嘛🙈。室外大約有六個座位，對面無景，但起碼對住嘅係健身室大廈，而唔係後巷。題外話，騎樓仲種咗啲小盆栽添。
總括嚟講，呢晚嘅微醺體驗真係好正，就好似餐廳所講：即使這裡微小，但快樂無限🥂🥳💕。餐廳各方面都顯示出佢哋有幾用心經營，店員嘅Passion係能夠感染客人，下次約朋友飲嘢我一定會推介佢🌟！
張貼
