SUPPE (已結業)

平時超級鐘意飲湯嘅我，特登嚟到尖沙咀Heath 入面呢間主打濃湯嘅小店，要試下究竟一個西湯有咩咁特別！《紅酒牛尾湯》堅好飲！😍 佢嘅足料位係在於食材溶入係湯入面，然後每一啖湯都飲到香濃既牛味，真係會食到牛尾架。紅酒、甘筍、洋蔥、蕃茄呢啲配料令到湯既香甜度大大提升，老闆嘅調味做得好好，味道拿捏平衡，開胃又飽肚。《烤芝士三文治》🥪記住要點啊，麵包烤得外脆內軟，外層塗滿一層辣味牛油🧈，內裏係半溶既拉絲芝士🧀，咬落會係滿口鹹香同滿滿酥脆感 ，辣味牛油唔會喧賓奪主，而係悄悄點綴提升惹味，好邪惡呀但係我鍾意。😈呢個多士最用心既位係用嘅調味牛油係由老闆自己研發架(黑松露、辣味、蕃茄味、青醬味）！👨🏻‍🍳呢種對食物既熱愛同執着，係佢地咁好食既原因。用平凡嘅材料用心製作出高端既美食， 真心推薦❤️