SHAO (已結業)

其實響旺角行過少少何文田果邊有都唔少餐廳，小店風情裝修嘢食有心思之餘又唔洗響旺區同人迫，今次呢度就係其中一間感覺呢度部分菜色都夾雜唔少fusion味，炸牛油果用上肉質超腍嘅牛油果炸到外脆內腍，然後加上紫菜碎同芝麻令到成件事日式咗；另外主菜楓糖叉燒用上慢煮嘅西班牙黑毛豬，肉質軟腍再燒到外面脆脆地，而個薑葱醬就似西式忌廉醬咁但又有食燒味果陣薑油味，非常過癮另外較有驚喜嘅仲有鵝肝漢堡，超厚身嘅鵝肝配上黑松露醬呢種重口味醬料但又唔會互搶，再加上酸甜並重嘅無花果醬解膩，味道三位一體配合得好調和超出色仲有其他菜色，爆甜嘅墨西哥燒粟米仔/超厚切牛舌串燒/鮮味香濃嘅龍蝦他他/麵質彈牙嘅明太子意粉/慢煮肉嫩嘅腹肉牛排，質素皆有水準，值得一試