露面手工拌麵料理

又到食晏搵食嘅時間，行經灣仔見到呢間開張冇耐嘅拌麵店，裝修乾淨企理，當時店內唔算太多人，唔使等位一於入去試吓 👫🏻餐牌有唔少選擇，除咗拌麵之外，都有唔少小食例如餃子同雲吞。亦都有午市套餐，有齊想試嘅燉湯同埋拌麵，試吓先。▫️野生松茸鮮雞湯 - 午市套餐跟咗飲品，亦可以加錢轉燉湯，當然要試吓佢哋嘅招牌湯品啦。連湯渣上，份量都幾多。燉湯出晒味亦夠鮮甜，讚！麻辣雲耳 - 份量都幾多，爽口入味，不過對我來講實在太辣。▫️鮮茄牛腩拌麵 - 拌麵嘅份量都幾多，牛腩份量亦唔少。牛腩炆至腍身，配上鮮茄醬汁，夠晒開胃。