影片
更多
2021-07-10
2905 瀏覽
呢間野之前試左次 覺得幾好 一直想再試奈何呢間野係居酒屋既黃金日子(假期&假期前夕)難book到一個點提前兩三日都未必book到 最後我提早一星期終於有得食今次就兩人食 位置就一般啦 張台都唔係好大 所以唔建議一次叫太多 一樣樣慢慢叫慢慢食仲好呢間既最大好處就係佢完全唔限時 你鐘意既可以坐成晚都ok 呢d先係居酒屋 坐低慢慢食 飲下酒同朋友吹下水咁我好難接受香港好多居酒屋居然夠膽死玩限時 再好食既居酒屋一限時我就唔會去 得90分鐘真係純食野 完全唔係去居酒屋既目的返正題，因為想黎好耐 所以琴晚得兩條友都係放開黎叫 叫左好多野酒盜芝士 $48一直都想試試酒盜芝士 即係醃左既碎魚內臟+芝士粒 食落充滿咸香味同埋帶有陣陣魚香味 極好送酒 完全明白點解叫「酒盜」2. 生酒五勺最大特點係 你黎到呢到可以因應自己既口味同喜好請在場既唎酒師推介比你 而且每次叫都可以揀五勺/一合 份量大約係2杯/5杯 價錢因酒定而 今次推介左枝鬼滅聯名既生酒比我 飲落幾好 充滿果香 不過我個人其實好憎鬼滅 haha3. 炸慢煮黑豚豬腩肉 $78全晚第二好食就係呢個 先慢煮五花腩到好淋 然後再拎去炸 實行內脆外軟 而且
奈何呢間野係居酒屋既黃金日子(假期&假期前夕)難book到一個點
提前兩三日都未必book到 最後我提早一星期終於有得食
今次就兩人食 位置就一般啦 張台都唔係好大 所以唔建議一次叫太多 一樣樣慢慢叫慢慢食仲好
呢間既最大好處就係佢完全唔限時 你鐘意既可以坐成晚都ok 呢d先係居酒屋 坐低慢慢食 飲下酒同朋友吹下水咁
我好難接受香港好多居酒屋居然夠膽死玩限時 再好食既居酒屋一限時我就唔會去 得90分鐘真係純食野 完全唔係去居酒屋既目的
返正題，因為想黎好耐 所以琴晚得兩條友都係放開黎叫 叫左好多野
酒盜芝士 $48
一直都想試試酒盜芝士 即係醃左既碎魚內臟+芝士粒 食落充滿咸香味同埋帶有陣陣魚香味 極好送酒 完全明白點解叫「酒盜」
2. 生酒
五勺最大特點係 你黎到呢到可以因應自己既口味同喜好請在場既唎酒師推介比你 而且每次叫都可以揀五勺/一合 份量大約係2杯/5杯 價錢因酒定而 今次推介左枝鬼滅聯名既生酒比我 飲落幾好 充滿果香 不過我個人其實好憎鬼滅 haha
3. 炸慢煮黑豚豬腩肉 $78
全晚第二好食就係呢個 先慢煮五花腩到好淋 然後再拎去炸 實行內脆外軟 而且有四大件 同其他野比勁抵食 重點係本身好油所以食完兩舊其實已經開始唔太想再食野 大食既朋友可以靠呢個令自己食少d xdd
4. 白切魚薄切 $108
全晚最掂既野 108蚊有十塊 而且厚度正常 食落爽口而且有魚油香 同時點埋佢配既柚子醋解膩 超好味 性價比極高!
5. 櫻花蝦天婦羅餅 配 冷烏冬 $78
烏冬無乜特別 就正常高級少少既烏冬 食落幾彈牙
個天婦羅餅其實就係以薯仔蕃薯為主既雜菜+櫻花蝦整成 聞落食落都有幾凸出既櫻花蝦味
雙重碳水combo 肚飽必選
監燒和牛牛舌 $68
全晚第三正既野 份量唔少 燒成點望圖都睇得出岩岩好 點埋個芥末醬勁好味 而且又厚切勁滿足
滑蛋吉列蠔茄子煮
無乜特別 正常水準 未到必叫但想試既都會鼓勵你去試
最後叫左個菠蘿雪巴收尾 掂
總結: 五勺野好食 而且價錢唔會因為地點同唔限時而特別貴 去同區其他居酒屋都係差唔多甚至五勺仲平
如果想試多d唔同口味既清酒 同埋好似我咁想慢慢吹水唔好90分鐘就比人趕既 五勺100%係最佳選擇
張貼
