夜首爾

營業中

休息中

老best喺韓國返嚟，佢帶我去咗尖沙咀一間正宗韓國菜，由韓國人主理，服務態度好好，一坐低為我哋遞上韓式前菜同熱茶，仲可以refill前菜。🥢🥢調味牛肋骨(韓式長切法）✨✨牛肋骨醃得好入味，店員仲好耐心咁幫我哋切開細細件，煎完唔韌，肉質嫩滑，有咬口，傳來陣陣香噴噴肉汁，有豐富口感。調味雞肉✨✨雞肉煎得外脆內嫩，煮得入味，食到停唔到口，店員附上生菜籃，新鮮蔬菜包裹着雞肉去吃，能中和雞肉的油膩感。牛肉石鍋拌飯✨✨熱騰騰嘅石鍋鋪滿牛肉，牛肉肉質鮮嫩，配上不同嘅蔬菜，色彩繽紛帶來視覺嘅享受，鍋底仲有香噴噴嘅飯焦，脆卜卜，食到停唔到口。海鮮豆腐鍋✨✨海鮮湯底濃郁，採用新鮮嘅大蝦，蜆肉，爽口彈牙，豆腐鍋加入不同嘅配料及新鮮時蔬，香甜可口，回味無窮。 📍夜首爾 （尖沙咀） 📍寶勒巷寶力大廈地舖