紅軒

營業中

休息中

點都諗唔到一向孤寒嘅我、居然會走去機場酒店食嘢！冇計啦鬼叫班機delay、又鬼叫老婆只係鍾意食中餐，唯有走去機場富豪酒店嗰間紅軒食嘢啦！豪一次！心諗希望唔會食到荷包肝硬化！點知食完之後個人角度嚟講真係物超所值！食咗個川粵餐！咁啱可以選擇辣同唔辣咁咪各叫一個囉！首先嚟過頭盤、麻辣牛脷海蜇花、腩仔、牛脷辣到啱啱好、海蜇花都幾爽口、腩仔就脆卜卜！之後就嚟咗個燉湯，松茸花膠燉螺頭、真係滋補養顏老婆飲到舔舔脷！老婆婆仲話舊花膠真係好鬼正！再嚟就係鮑魚扣遼參、大佬呀咁嘅價錢居然喺酒店食到呢啲真係抵！出邊就咁鮑魚扣遼參，你都起碼$400一個落樓啦！跟住上嘅就係炒斑球、估都估唔到嗰塊星斑球咁鬼厚，出邊嗰啲紙咁薄！而且炒出嚟真係好夠鑊氣！呢個一定要試吓！最尾上嘅係帶子濃湯浸菜苗！嗰粒帶子又厚又大粒啲湯夠晒濃郁好味！睇落好似得個幾樣，但係係真心夠飽！而且店舖經理仲送埋陳皮紅豆沙！買單都係八舊水一位到！心諗真心抵，下次帶埋阿媽嚟食！孝敬下佢先