影片
更多
2020-03-04
583 瀏覽
呢日嚟一個新嚐試，就係去咗女僕Cafe😂，聽就聽得多，但去都係第一次。我哋喺大廈樓下已經望到大大個廣告，要行樓梯上去，首先會經過一樓夾公仔嘅樓層，再上多層就係。Cafe應該真係新開張無耐，有一邊好似仲未裝修好🤔。不過環境好大，適合搞大型聚會。當我哋進入異世界前，我哋係要先輕搖鈴鐺🔔，召喚女僕，好快女僕就出嚟迎接我哋。第一次去女僕Cafe，感覺真係好特別🙈，好唔慣咁好服務。女僕首先同我哋講解主人／大小姐嘅守則，例如唔好玩鈴鐺、唔準講粗口同騷擾女僕等等🤣，好搞笑。我哋一場嚟到，又未食晏，所以就一人要咗一個開掛人生Almighty Life套餐($240)，即係包一張即影即有、主食、飲品同甜品，都幾豐富👍。我留意到餐牌上有部份嘅食物名稱比較特別，好過癮，哈哈。首先嚟到嘅係飲品，我要咗梳打特調系列嘅絕對領域🍹(原價$68)。飲品好大杯，味道有啲複雜，飲到大概有啲水果味？好似有檸檬味🍋同波子汽水味。我朋友就要咗水果沙冰系列嘅未聞花名🌺(原價$68)，同樣係大大杯。呢杯實際係士多啤梨🍓芒果🥭沙冰，都幾真材實料，飲得出用上唔少水果。味道比較酸，士多啤梨味比芒果味出，所以飲品係偏粉紅色。由於係沙冰，飲
呢日嚟一個新嚐試，就係去咗女僕Cafe😂，聽就聽得多，但去都係第一次。我哋喺大廈樓下已經望到大大個廣告，要行樓梯上去，首先會經過一樓夾公仔嘅樓層，再上多層就係。
Cafe應該真係新開張無耐，有一邊好似仲未裝修好🤔。不過環境好大，適合搞大型聚會。
當我哋進入異世界前，我哋係要先輕搖鈴鐺🔔，召喚女僕，好快女僕就出嚟迎接我哋。
第一次去女僕Cafe，感覺真係好特別🙈，好唔慣咁好服務。女僕首先同我哋講解主人／大小姐嘅守則，例如唔好玩鈴鐺、唔準講粗口同騷擾女僕等等🤣，好搞笑。
我哋一場嚟到，又未食晏，所以就一人要咗一個開掛人生Almighty Life套餐($240)，即係包一張即影即有、主食、飲品同甜品，都幾豐富👍。我留意到餐牌上有部份嘅食物名稱比較特別，好過癮，哈哈。
首先嚟到嘅係飲品，我要咗梳打特調系列嘅絕對領域🍹(原價$68)。飲品好大杯，味道有啲複雜，飲到大概有啲水果味？好似有檸檬味🍋同波子汽水味。
我朋友就要咗水果沙冰系列嘅未聞花名🌺(原價$68)，同樣係大大杯。呢杯實際係士多啤梨🍓芒果🥭沙冰，都幾真材實料，飲得出用上唔少水果。味道比較酸，士多啤梨味比芒果味出，所以飲品係偏粉紅色。由於係沙冰，飲到有啲啲頭痛，哈哈哈。
蛋包飯
$88
41 瀏覽
1 讚好
0 留言
蛋包飯
$88
40 瀏覽
1 讚好
0 留言
蛋包飯
$88
67 瀏覽
1 讚好
0 留言
甜品方面，我要咗Tiramisu🍰(原價$42)。蛋糕幾大件，味還好，但白色嗰啲似普通忌廉多過係Mascarpone Cheese。Anyway蛋糕碟上畫上可愛嘅兔兔圖案🐰，好QQ。
我朋友就要咗抹茶果凍聖代🍨 (原價$78)。呢個Parfait都唔錯，🍵抹茶味唔算淡，而且有好多料，例如蕨餅、棉花糖同蛋卷等。
題外話，我想講多兩樣關於女僕Cafe嘅特別嘢。第一樣係呢到呼喚女僕侍應生時係要用鈴鐺㗎🎊，唔知點解搖嗰陣我有少少怕醜👉🏻👈🏻。
第二樣就係女僕除咗幫我哋落單同畫蛋包飯外，佢哋另一個隱藏身份就係廚師👩🏻🍳！呢到無大廚㗎，廚房由佢哋主理，嘢飲嘢食都係佢哋整。
我見場內有唔少熟客仔👦🏻，好似成日嚟幫襯咁，女僕仲同佢哋玩Board Game添。最後，我哋個餐係每人包影一張即影即有相片的，但如果兩個人一齊同女僕影同一張相，就已經會計兩張。我哋搵返Miyo一齊影相😛，佢好好人，仲用手擺心心手勢❤️，不過相片就不便公開XD。
總括嚟講，呢次嘅女僕Cafe體驗真係好新奇，同想像中差唔多，但更為Causal！雖然食物同飲品味道唔係賣點，不過勝在消費唔高、最低消費$78就已經可以嚟見識下。我喺到再次推介要嗌蛋包飯🍚啊，真心值回票價😘。
張貼
