寶寶雞煲 (已搬遷) 新店位置

之前係facebook見到朋友食而個魚頭煲~Wow wow wow 深深地被吸引住了問過媽媽佢又試想去食~~一於等佢放工一齊去食下先啦- 大白菜新鮮魚頭鍋 🥢而個係餐廳新上市 一上枱已經見到滿滿一鍋有大白菜 🥬滑豆腐 🥢水庫大魚頭🐟 好吸引啊！！ 魚頭大大舊之餘仲勁滑 而且 d 魚骨係大大條架~~ 真係小朋友食都完全唔怕架 再食埋啲菜同豆腐~ 真係超足料未開始打邊爐已經飽飽地架啦 - 本地新鮮牛肉 🥢而度好細心有分半碟同一碟既鍾意食牛嘅我哋當然要叫一碟啦 hahaha 新鮮牛肉一上枱已經wow 左幾聲 d雪花紋真係好好好靚啊！！ 放落魚湯度淥一陣間牛味十分濃郁之餘仲十分軟身- 金沙青 🥢呢個一開始係完全冇抱任何希望 淨係見到餐廳推介係必食！ ！ 見佢個樣幾似豬頸肉貪得意嗌來試一試 完全係超級驚喜 金沙青係有陣陣既腐乳味 勁香勁好食而且煮耐左都仲好軟綿綿咁真係必食首選- 竹笙 + 冬瓜片 🥢冬瓜片用黎打邊爐不嬲都係我嘅至愛 佢食到最後真係可以吸晒湯底嘅精華 再加埋竹笙平時比較少機會食到！ ！ 當然要叫翻碟啦