陶園燒臘飯店 (已結業)

今日收工行經佐敦買嘢，夜晚又冇堂食，行經寶靈街的"陶園燒臘飯店"，被店外的肥鵝公仔師傅搞笑吸引，而且係街坊老店有品質保證，不如加料回家吧，屋企人正好愛食叉燒、燒鵝。店內燒鵝好靚，每隻都好肥美，點了$100，好足料，仲要係肶位添，配有鵝汁和酸甜醬，見到都流曬口水，要快快回家襯熱食。屋企人大讚好正，鵝肉皮香肉味香濃又多汁，肉有口感，肉多骨少，鵝味濃，正。點了$50蜜汁叉燒半肥瘦，口感嫩腍入味，油香味濃，好耐冇食過咁高質嘅叉燒。小店出品有質素，性價比高，下次會再光顧。