金撈老鴨湯刺身火鍋專門店 (已結業)

近日天氣突然凍左，得十五六度，最啱就係打邊爐，朋友介紹下黎食。金撈富貴老鴨湯 ：叫左半隻個款老鴨湯，有其他配料同素翅，個湯堅好飲，絕對對得住呢個價錢，另外鴨肉會有個醬汁，食落有d辣辣地，會好食d，侍應話係師傅秘制既。海膽刺身一板：有五塊青瓜上有海膽，都好大啖下算係，新鮮貨，甜，最怕有苦味。香菇貢丸 ：打邊爐必點，好正常既貨，又夠大粒。鮮蝦雲吞 ：唔係大粒個d，但入面粒蝦都唔錯，算爽，唔梅。香辣魚皮：呢個真心必點，爽滑鱼皮都唔係好多地方有得食，呢度仲要係重慶版，味道好香，帶有辣味，唔會係死辣咁，開胃。黃沙豬潤 ：上台見到好生鮮，自己對潤就無乜興趣，同枱友人話好食。黑松露鮮蝦滑：勁香黑松露味，蝦滑夠味彈牙。本地牛頸脊：好重牛味，唔多肥肉，打邊真係唔錯。鹿兒島黑豚肉 ，岩手縣白金豚肉 ：叫左兩款豬肉，都唔錯，最怕有個種豬既臭味。桂花蚌併珊瑚蚌 ：兩個都係新鮮貨新鮮鵝腸頭 ：鵝腸肥美，碌一碌就食得。廣島蠔 ：都叫做幾大隻下，都幾有蠔味。脆骨腩+鯇魚片 ：新鮮貨色，脆骨腩無乜細骨，有單支大骨，食落爽脆。鯇魚片就正常貨色。豆苗，萵荀：我係食肉獸都食左小小，試下，都唔錯。