夜明け

營業中

休息中

位於荔枝角D2 place內，主打天婦羅同壽喜燒。門面唔算顯眼，但食過就絕對覺得有臥虎藏龍嘅感覺。舖頭唔算好大，但環境舒適乾淨。而且店員服務一流。今晚選擇咗品嚐天婦羅套餐，感覺真係好滿足好幸福☺️☺️✨前菜有鮮甜松葉蟹肉配上螢光魷魚。連同醋啫喱一齊食，非常美味醒神！仲配有超迷你蕃茄。✨花竹蝦腳/花竹蝦身天婦羅花竹蝦腳同身分製成兩款天婦羅。前者非常脆身，後者外脆内鮮味彈牙，可蘸上咖喱鹽。非常美味！✨帆立貝天婦羅用上北海道帆立貝，好厚肉，大約炸到七成熟，非常鮮甜，可以見到內裡一絲絲嘅帆立貝肉。可蘸上鹽輕輕調味。✨海膽天婦羅本身唔係海膽愛好者，但呢個真係滿分好食！用上箱根馬糞海膽，鮮甜零腥味。放上紫菜天婦羅上，再配少少淡雪鹽⋯可唔可以encore多十件？🥹✨茄子天婦羅用上熊本縣赤茄子，係全日本排第二水份最高，咬落真係好多汁。簡單食材都可以做得咁好味。適合蘸上天婦羅汁。✨茶碗蒸茶碗蒸上配上肥美兵庫縣蠔，以85度溫度蒸，寜舍滑溜。裡面嘅百合根同木耳增添口感。✨蓮藕/蘆筍天婦羅再次展現食材簡單但技巧同味非凡。簡單如蓮藕皮都炸到非常香口惹味，後者好juicy。✨龍蝦天婦羅用上澳洲龍蝦，啖啖肉，爽口彈牙。