一起食堂 (軒尼詩道)

營業中

休息中

去灣仔老人院探姨婆，帶佢出街食飯，姨婆食素，但我食肉，每次搵餐廳食飯比較難，佢話附近有間一起食堂，是台式料理店，餐廳裝修簡潔，最特別是有豆乳湯底，照顧到食素客人需要。花雕麻油雞湯麵，一上枱已經聞到好香麻油味，花雕酒另上，可以自己決定加幾多入湯內，湯底充滿藥材、麻油、花雕香味，味道清甜，雞已去骨做成雞肉卷，啖啖肉好嫩滑，烏龍麵滑溜又彈牙。特濃豆乳素菜烏龍麵，奶白色的豆乳湯底濃郁香甜，配料有響鈴和豆卜等，吸收咗豆乳湯，啖啖都食到香濃的豆味。酥炸地瓜條，即叫即炸，外皮酥脆內層甜糯，味道香甜。府城蝦卷外皮金黃酥脆 · 滿滿內餡軟嫩且鮮味十足。紅豆奶茶，入口既有茶香又有紅豆的香甜，充滿港式風味。愛玉鳳梨綠茶，鳳梨的香甜、綠茶的甘醇與滑溜愛玉完美結合，味道相當獨特。