九記打冷.小菜.粉麵 (已結業)

九記打冷好出名， 幾次行過都爆棚，今晚難得有位， 簡直喜出望外👏👏沒有什麼豪華裝修，都是一般的茶餐廳格局， 流動性大，個個食完就走。多款魚可供品嚐，但都是時價，要問左價錢先呀今次主打食鹵水，所以無考慮叫魚韭菜鵝紅雞紅食得多， 有鵝紅當然要叫，大大粒， 口感較雞紅煙韌， 唔會入口就散曬，而且個汁好好味， 韭菜又多大腸腩肉雙拼大腸肥得嚟唔覺膩，煮到好林，腩肉肥瘦均衡， 肥的口感甘潤， 瘦的無柴口感覺， 重點係鹵水味夠，抵讚果皮蒸鮑魚唔算大隻，但果皮好香潮州炒麵線韭菜、芽菜、蛋絲、鹹肉絲、 洋蔥絲一齊炒， 十分惹味， 普通的炒粉麵食得多，轉下口味都唔錯，份量好大，2個人食唔哂大地魚乾炒芥蘭大地魚乾切成小塊， 非常脆口，咬落卜卜聲， 喜愛這種口感的朋友 要試下食完要結帳，因為已經有人等枱，這餐非常滿意