影片
更多
2024-12-07
141 瀏覽
最近去咗銅鑼灣嘅 ufufu Cafe, 呢間日式咖啡店真係好有氣氛，尤其而家臨近聖誕，入面擺滿咗可愛嘅聖誕裝飾，打卡一流！而家仲有期間限定嘅漢堡包，所以即刻試咗佢哋嘅吉列松葉蟹漢堡。呢個漢堡真係冇令我失望，松葉蟹炸得好脆，啖啖都係蟹肉，鮮味澎湃，配埋沙律菜，清新又唔膩。如果加 $48 升級套餐，仲可以有湯、沙律同埋飲品。今日嘅湯係忌廉蘑菇湯，香滑濃郁；沙律菜亦好新鮮，帶酸嘅醬汁真係開胃。至於飲品，我試咗 沖繩雜果梳打，清新得嚟仲有菠蘿等生果，聽講佢哋每款梳打都用唔同地區嘅日本生果，下次一定要試埋其他味道！ 另外，小食方面，點咗ufufu雞翼，雞翼炸得恰到好處，外皮脆而唔厚，肉質嫩滑多汁，表面灑上啲芝麻，香口到停唔到手。最後當然唔少得試吓佢招牌嘅日式甜品——草莓物語巴菲。成個芭菲層次好豐富，頂層係香濃牛乳雪糕，配埋士多啤梨，甜而不膩。入面仲有脆片同餅，口感層次分明，每一啖都係驚喜！
呢個漢堡真係冇令我失望，松葉蟹炸得好脆，啖啖都係蟹肉，鮮味澎湃，配埋沙律菜，清新又唔膩。如果加 $48 升級套餐，仲可以有湯、沙律同埋飲品。今日嘅湯係忌廉蘑菇湯，香滑濃郁；沙律菜亦好新鮮，帶酸嘅醬汁真係開胃。至於飲品，我試咗 沖繩雜果梳打，清新得嚟仲有菠蘿等生果，聽講佢哋每款梳打都用唔同地區嘅日本生果，下次一定要試埋其他味道！
另外，小食方面，點咗ufufu雞翼，雞翼炸得恰到好處，外皮脆而唔厚，肉質嫩滑多汁，表面灑上啲芝麻，香口到停唔到手。
最後當然唔少得試吓佢招牌嘅日式甜品——草莓物語巴菲。成個芭菲層次好豐富，頂層係香濃牛乳雪糕，配埋士多啤梨，甜而不膩。入面仲有脆片同餅，口感層次分明，每一啖都係驚喜！
張貼
