影片
更多
2022-11-13
147 瀏覽
🔅 cutting onions 🔅土瓜灣🔅創意西餐🔅超強創意餐廳，必食漢堡！我覺得間餐廳嘅正名可能係 pls don’t cry，又以黃店黎講，我又覺得可能係聯想到香港前途～一片光明，pls don’t cry! 前身係太子嘅包販子，食物質素極有保證☺️我去食嗰日，我朋友就同日午餐同晚餐都喺嗰度解決，佢話menu唔會悶未食晒，食過返尋味💛💛🥳 首先上咗兩個前菜，分別係炸洋蔥圈同埋阿媽雞翼～炸洋蔥圈超香脆，而且配上蛋沙律醬，非常好食，脆炸嘅外殼加上黑胡椒作點綴，好食！媽媽雞翼就即係話麻油雞翼，有出前一丁味😂加埋香蔥配上白芝麻，雞翼亦都非常Juicy～作為前菜超開胃，亦都令人非常之期待 💛主菜我哋帶咗兩個漢堡同一個意粉，四個人分！💛 招牌手打牛肉漢堡配薯條牛肉好juicy同有手打patty嘅質感！但最最最正係個麵包，烤香烤脆之餘，麥香亦好正！另外個芝士同anchovy mayo都超夾！佢係自己調配嘅house cheese，有少少cheddar味，又有mozzarella cheese，但實質嘅配方就唔知啦😂🤭不過後來都係睇餐牌先知，佢個沙律醬係有小魚仔嘅鮮味，難怪有啲特別嘅咸香💛欖菜酸薑
超強創意餐廳，必食漢堡！
我覺得間餐廳嘅正名可能係 pls don’t cry，又以黃店黎講，我又覺得可能係聯想到香港前途～一片光明，pls don’t cry! 前身係太子嘅包販子，食物質素極有保證☺️我去食嗰日，我朋友就同日午餐同晚餐都喺嗰度解決，佢話menu唔會悶未食晒，食過返尋味💛💛
🥳 首先上咗兩個前菜，分別係炸洋蔥圈同埋阿媽雞翼～炸洋蔥圈超香脆，而且配上蛋沙律醬，非常好食，脆炸嘅外殼加上黑胡椒作點綴，好食！媽媽雞翼就即係話麻油雞翼，有出前一丁味😂加埋香蔥配上白芝麻，雞翼亦都非常Juicy～作為前菜超開胃，亦都令人非常之期待 💛
主菜我哋帶咗兩個漢堡同一個意粉，四個人分！
💛 招牌手打牛肉漢堡配薯條
牛肉好juicy同有手打patty嘅質感！但最最最正係個麵包，烤香烤脆之餘，麥香亦好正！另外個芝士同anchovy mayo都超夾！佢係自己調配嘅house cheese，有少少cheddar味，又有mozzarella cheese，但實質嘅配方就唔知啦😂🤭不過後來都係睇餐牌先知，佢個沙律醬係有小魚仔嘅鮮味，難怪有啲特別嘅咸香
💛欖菜酸薑豬腩肉包
呢一個超推介，非常特別！漢堡嘅麵包依然係用充滿麥香嘅麵包，最正嘅係豬腩肉嘅油香非常吸引之外，佢嘅酸薑（我一直以為係白蘿蔔片）非常解膩，再加埋少少橄欖調製嘅沙律醬，非常特別，整個漢堡層次分明，肉香、蔬菜、沙律醬、同埋麵包都調配得非常之好
💛另外我哋亦都叫咗一個白汁菇菇溫泉蛋意粉，野菌香充滿成碟意粉，意大利粉亦都好掛汁，於是每一啖都有野菌～🥳
💛成餐最變態嘅係「陀地西多」，除咗新鮮整嘅西多士之外，仲有一層四方形成個磚咁嘅厚切花生味雪糕配上煉奶同花生脆，非常黐線！但係真係超級好食，而且好邪惡💛超級推介，幾乎係必食，喺第度都冇見過啲咁黐線嘅嘢😂😂😂
總括而言，創意料理，亦都非常高質，氣氛輕鬆，好適合中午去食到飽飽！😚價錢亦都好合理，好抵食💛
Cutting Onions
網址: https://s.openrice.com/QrbS03gy5W0~uZ5MGAA
地址: 紅磡馬頭圍道63號啟岸1樓02號舖
電話: 68966862
=====================
#紅磡黃店 #土瓜灣黃店 #土瓜灣美食 #紅磡美食 #黃店 #黃店推介 #餐廳 #香港好去處 #香港打卡 #香港必食 #hkig #hkfoodie #hkfoodblog #kazyyhunghom #kazyykln #kazyywestern #kazyyburger #kazyyhkfood #hkgirl #hkig
張貼
