반찬앤쿡 Banchan and Cook (時代廣場) (已結業)

韓式料理一個好高質嘅選擇，餐廳嘅地點、裝修、食物賣相同質素都相當有保證。我哋叫咗四款食物同埋一個甜品，每樣都各有特色，全部都值得試試。明太子慢煮雞肉蛋包飯上菜已經有視覺享受，將蛋包飯上面嘅蛋切開，入面半熟嘅蛋汁浸落去下面嘅飯度。調過味嘅飯架上蛋汁食落好豐富。旁邊嘅雞胸經過慢煮處理，食落鮮嫩多汁，同佢平淡嘅外表有好多反差。韓式辣炒年糕辣炒年糕嘅醬汁濃厚，每條年糕都掛滿醬汁，食落唔會太辣，反而係有層次嘅香味。底下仲有韓國魚糕。甜辣無骨炸雞(半份)炸雞本身夠晒鮮嫩，甜辣醬汁調味亦都啱啱好，唔會太辣。伴碟仲有幾條薯條同埋年糕，真係好有心思。黑芝麻提拉米蘇傳統意大利tiramisu係用上甜酒同碎散嘅海綿蛋糕疊喺手指餅上面做嘅，賣相好太做到好整齊。呢道嘅tiramisu有改良過賣相，係一件方方正正嘅海綿蛋糕，賣相別有風味。味道方面，芝麻香味好出眾，忌廉亦唔會太甜。焦糖脆脆鮮奶咖啡 & 伯爵茶鮮奶咖啡焦糖同埋伯爵茶都各有特色，令平凡嘅鮮奶咖啡加上一層風味。咖啡味道唔係好濃，相信平時唔係飲開咖啡嘅朋友都可以接受。