八月花 (皇室堡)

營業中

休息中

今日同閨蜜去到位於銅鑼灣皇室堡的”八月花”飲茶，環境非常開揚闊落，坐得舒適，仲有大海景。歎咗多款創意粵式點心，精緻又高質，係我嘅私心口袋清單，先打卡📸後進食🥢！鵝肝蟹子脆春卷金黃嘅春卷外脆內軟，加埋旁邊嘅芥末醬，輕鬆解膩，好食到停唔到。一口鮑魚撻賣相精緻，鮑魚本身非常入味，撻皮鬆脆，一啖一口，雙重滋味。脆皮麻辣燒賣燒賣創意食法！未食已經聞到濃濃麻辣香氣，但食落唔會好辛辣，底部會有大量綠色炸脆，睇得出擺盤花過心思。鮑汁炆鳳爪醬汁比較濃稠，非常入味，鳳爪有咬口，不會煮得太爛。黑松露冬菇包黑松露味道唔會太搶，同時又食到濃濃嘅冬菇香，兩者配合得剛剛好。酥脆鮮蝦腸粉熱辣辣嘅粉皮包住脆蝦，我食到最後一件，都keep到脆度，有驚艷到我! 柚子煎堆菠蘿芭菲煎堆配搭少量柚子，可以解除油膩感，再配埋冰凍帶酸菠蘿芭菲，作為今餐嘅甜品簡直係完美。花果奇緣打卡No.1! 好似一個大果園，包含十款水果配上茉莉花茶，炎夏必點，消暑解渴。