鮨亭 (已結業)

鮨亭 (屯門)屯門青善街22號康景花園地下3-4號舖世外桃源，永遠都有你估唔到嘅好味道，屯門隱世嘅居酒屋🏮係精緻好味，千里迢迢都要走一趟嘅地方，值得。松葉蟹肉沙律🥗青瓜絲切得顯露刀功，每調試都一樣粗幼，食落去口感爽脆，清新，松葉蟹足料，有蟹肉絲同埋蟹肉塊，上面仲有脆卜卜嘅蟹籽，產生三重口感。青蘋果梳打賣相係我最鍾意嘅綠色，飲落好甜，愛甜人士可選。白桃烏龍烏龍茶味🍵濃香，味道清新，唔甜嘅，用嚟中和口味最啱。赤崎岩蠔勁大隻，都厚身，海水味極濃，裙邊爽口。三文魚子海老卷炸蝦🍤處理得非常脆口，肉質厚身鮮嫩，三文魚夠香滑，魚子鮮甜唔腥，三重口感嘅享受。松露鰻魚石鍋飯高推必食石鍋飯，鰻魚細滑香厚，口感腍滑，飯焦係一粒粒，分明，焦香爽脆，停唔到口。