樂天皇朝 (利舞臺廣場) (已搬遷) 新店位置

今日去完銅鑼灣買嘢, 之後就去咗 ❥⧽樂天皇朝 ❥⧽ 食晚飯。餐廳走型格 modern 路線, 環境好寬敞, 由門口入去見到有個水池喺中間, 感覺好有空間感。𓊈鮑魚炒飯 $𝟙𝟚𝟠𓊉呢個鮑魚炒飯感覺好矜貴, 有隻鮑魚喺面㗎, 鮑魚有咬口, 炒飯好香而且粒粒分明!𓊈風味沙拉排骨 $𝟙𝟘𝟠𓊉沙拉排骨炸過所以好香脆, 每一塊排骨都蘸滿沙拉醬, 味道好香濃, 甜甜地。排骨好 juicy 軟腍, 好好味, 份量仲要好多。𓊈招牌原味小籠包 $𝟞𝟠𓊉喺八色小籠包同原味小籠包 2 者之間掙扎咗一陣, 最後揀咗原味, 可以試到原汁原味。小籠包皮好薄肉好厚, 裡面好多湯汁, 多湯汁真係好正。𓊈上海風味醬鴨 $𝟞𝟛𓊉我之前未食過醬鴨, 原來醬鴨嘅質感同臘鴨有少少似, 不過相對地無咁鹹。✧✧ 整體食物都好食又特別, 店員好 attentive, 唔會成日喺側邊, 但係需要幫忙時就好快出現。