竹園台式火鍋飯店

營業中

休息中

今日朋友生日，想食下地道小炒菜式，所以帶左佢去柴灣竹園台式火鍋大吃一餐。香妃雞：雞肉肉質鮮嫩，食落雞味濃郁，皮與肉唔會會有太多肥膏，加上係新鮮嫩雞，所以食落十分鮮滑。黃金麥片炒蝦球：用上新鮮大蝦所炒製，食落蝦肉鮮滑，加上用上咸蛋黃所炒作，食落咸咸香香，實在係送酒必叫既食品。煎粟米墨魚餅：聽老細講係每日人手用新鮮墨魚打成既墨魚膠煎製而成，所以食落十分彈牙，加上黃金粟米，兩者配合得十分美輪美奐，實在係必食推介。大盤花菜：用上麻辣去炒既椰菜花，食落麻味十足，加上用了美極去炒，食落咸麻兩者在口中交替，真係十分惹味。總括來說，竹園台式火鍋實在係性價比十足，價錢均等，食材優秀，加上地方闊落，實在係同三五知己必到既小菜飯店。