暢和號 (翠怡花園) (已結業)

今日我放假，去咗大埔探表姐，佢住喺翠怡花園，之後表姐同我一齊去食午餐，暢和號以小店經營模式，主打東南亞菜式， 其中就以海南雞最出名。暢和去骨海南雞飯：海南雞皮薄爽滑，肉質鮮嫩、香滑，配上三種醬料味道更提升。油飯色澤金黃，粒粒分明充滿香味！椰子冬瓜清雞湯:湯底帶有淡淡椰子香味，清甜好飲。生炸香茅大雞扒配蝦油撈麵：大雞扒炸至金黃香脆又有口感，香氣四溢嘅蝦油令人垂涎欲滴！麵條口感彈牙有嚼勁，充滿了蝦油的香氣，好好味。泰式凍奶茶十分香濃，喝起來層次分明，口感柔和，味道獨特。泰式炸蝦餅:蝦餅好有口感，配酸甜汁味道更佳。泰式椰汁西米糕:椰香味豐富，味道唔會太甜。