頭啖湯

營業中

休息中

嚟頭啖湯未食過椰子雞煲唔好話嚟過頭啖湯真材實料無味精椰子雞煲，唔似坊間一般火鍋店加椰青水死甜，雞煲上枱後店員話滾起可以先飲湯(就係正所謂頭啖湯)，湯頭入口椰子味特出加上雞嘅鮮甜，呢碗頭啖湯真係不得了，雞肉亦好嫩滑鮮味，當晚點左幾樣海鮮每款都好新鮮，因為我係預早電話訂位，當日下午店家會whatsapp話你知當日海鮮價格，啱就可以先落單然後店家去街市相熟海鮮檔買，所以海鮮一定新鮮，當晚隻龍蝦由店員幫忙煮，煮嘅時間把握得相當好，蝦肉爽脆彈牙味道鮮甜，另花甲王同鱔片亦係相當好。小店位置喺天后同炮台山中間，位置雖然麻麻，但絕對值得支持，食物質素同價錢十分合理，要食好嘢不妨行多兩步，當下香港小店要靠大家一齊去支持。