古今二 (荃灣千色匯I) (已結業)

我同班朋友一直都好鍾意食古今二，既然嚟到荃灣千色匯，就梗係要來食吓啦，喺咁多間分店我最鍾意嚟呢間，因為覺得佢裝修比較新潮，設計都係簡約日本風，有種小清新嘅感覺，味道當然都係好正啦！呢度必點一定係啲卷物，不能叫邊一個其實都係勁好食，但係有一樣嘢係我每次都好推介人哋食嘅，就係個櫻花蝦燒茄子，有別於外面嘅燒茄子，呢度會加埋櫻花蝦喺上面，加強咗唔同嘅口感，脆脆地，加埋燒到好軟熟嘅茄子，同埋甜甜地嘅醬汁，真係味覺同口感上嘅衝擊！另外呢度嘅天婦羅都炸得酥脆，冇油益味！