影片
更多
2022-04-18
56 瀏覽
今日約左人未夠鐘, 突然醒起之前朋友推介過附近間沾麵店, 自己走去試下.店面佈滿日式旗同相片, 仲有電視介紹沾麵, 非常搶眼. 裡面滿座, 好彩可能唔係午膳時間, 只係排左一陣隊.極上芝士海膽沾麵(原板海膽)沾麵送到黎真係嚇一跳, 真係原板海膽 (當然梗係唔係街賣幾佰蚊嗰款原板), 但係份量都唔少, 而且非常鮮甜!! 絕對超值!!沾麵有4塊豚肉, 肉嫩味濃! 仲有流心蛋, 筍及其他配料, 海膽芝士湯味道超超濃, 本身已經有豚肉同海膽, 石鍋上枱, 熱辣辣, 配上爽口彈牙既沾麵, 配搭一流! 店舖最後仲會為你添加鰹魚湯底, 將原本海膽芝士湯帶去另一層次, 好飲到全碗清晒!
張貼
