明道

營業中

休息中

呢間樓上日本菜，採光度充足坐得舒服，係鬧市中歇下嘆個lunch嘅好地方😉✨️海鹽活鰻魚飯套餐✨️午市套餐包茶碗蒸蛋、味噌湯、咖啡/甜品。茶碗蒸嘅蛋都頗為滑溜，幾有質感。活鰻魚果然食落新鮮啲，鰻魚外表金黃，聞落有淡淡魚香，食落係食到魚肉嘅軟嫩及Q彈，而底個層皮更加係好鬆脆。拌入芝麻及海鹽食更能帶出鰻魚肉香。店員更推薦落山椒粉食，如果岩重口味小小嘅朋友可以落d試下，真係更加惹味！食得出真係用心燒過及處理，唔係坊間醬燒/急凍個種口感，愛好鰻魚嘅朋友值得嚟試試。✨️銀鱈魚西京燒配飯✨️銀鱈魚色澤光鮮，魚肉肉質鮮嫩，帶有微微香甜味，煎左後魚油散發香味，好食又唔油膩，好想食多幾舊啊。套餐附送嘅麵豉湯都好濃👍另外甜品有榛子或咖啡雪糕俾你揀，榛子雪糕好香榛子味，仲有細細粒榛子係入面。咖啡雪糕都幾香咖啡味，幾軟滑。