影片
更多
2022-12-23
232 瀏覽
平日中午waik-in去食，坐樓上，大約7-8成滿。餐廳環境真係好靚好典雅，waitress都好親切有禮，但係…一行上條樓梯就聞到有陣羶臭味，坐喺樓上都隱約聞到，我估應該係樓梯隔離個廚房入面啲生肉/內臟氣味，好raw好似喺牧場咁(?)Lunch set前菜叫咗一個Smoked mackerel pate、一個Beetroot soup。Smoked mackerel pate好味，有魚香但唔腥，可惜麵包得兩小片實在太少!!淨返好多肉醬冇麵包送…Beetroot soup係素湯，酸酸地幾開胃，仲有啲連皮嘅薯仔粒，煮到好稔~Main揀咗新出嘅Duck Leg，係將鴨脾撕碎再砌成一個厚圓餅咁整，下面墊咗好多紅菜頭碎。鴨脾調味剛剛好，配埋紅菜頭碎+去油膩嘅柑橘味醬汁，係幾有趣嘅一道菜~另一道main dish揀咗招牌Schnitzel a la Holstein (+$80) ，呢個真係必食!!! 好好食!!!首先塊炸豬扒打扁咗後好大塊，差唔多有我兩隻手掌咁大，上面配咗隻大陽蛋同一條細魚仔(好咸) ，賣相令人食指大動~塊炸豬扒一定要趁熱食，皮脆、肉又香又juicy，正! 😋佢另外會比一小壺ol
餐廳環境真係好靚好典雅，waitress都好親切有禮，但係…一行上條樓梯就聞到有陣羶臭味，坐喺樓上都隱約聞到，我估應該係樓梯隔離個廚房入面啲生肉/內臟氣味，好raw好似喺牧場咁(?)
Lunch set前菜叫咗一個Smoked mackerel pate、一個Beetroot soup。
Smoked mackerel pate好味，有魚香但唔腥，可惜麵包得兩小片實在太少!!淨返好多肉醬冇麵包送…
Beetroot soup係素湯，酸酸地幾開胃，仲有啲連皮嘅薯仔粒，煮到好稔~
Main揀咗新出嘅Duck Leg，係將鴨脾撕碎再砌成一個厚圓餅咁整，下面墊咗好多紅菜頭碎。鴨脾調味剛剛好，配埋紅菜頭碎+去油膩嘅柑橘味醬汁，係幾有趣嘅一道菜~
另一道main dish揀咗招牌Schnitzel a la Holstein (+$80) ，呢個真係必食!!! 好好食!!!
首先塊炸豬扒打扁咗後好大塊，差唔多有我兩隻手掌咁大，上面配咗隻大陽蛋同一條細魚仔(好咸) ，賣相令人食指大動~塊炸豬扒一定要趁熱食，皮脆、肉又香又juicy，正! 😋
佢另外會比一小壺olive oil淋上豬扒到食，雖然佢嘅olive oil好香，但淋咗去豬扒到又唔覺有咩火花出現，冇加乘作用。但值得一提嘅係，壺olive oil最底有好多olive，我平時唔鍾意食olive，但呢到嘅olive冇平時有嘅怪味，淨係酸酸地咁幾過癮。
今次lunch set嘅甜品係Red wine poached pear。個梨燉到好稔好入味，呢個係正常操作啦，值得讚嘅係紅酒唔會太澀，易入口。最好食嘅反而係配燉梨嘅cream!!!! 好香濃嘅牛奶味!! 好滑，texture都幾濃厚，好似食緊特濃牛奶雪糕咁😋
最後係餐茶，揀咗熱咖啡，杯咖啡好濃好苦😂
落哂奶同成包糖都覺得好苦，但苦得黎好有咖啡香味👍唔酸，好適合鍾意濃味嘅咖啡友~我宜家打緊食評回想返杯啡，都想再飲多次😋
smoked mackerel pate
6 瀏覽
0 讚好
0 留言
beetroot soup
6 瀏覽
0 讚好
0 留言
schnitzel a la holstein
10 瀏覽
0 讚好
0 留言
duck leg
7 瀏覽
0 讚好
0 留言
red wine poached pear
4 瀏覽
0 讚好
0 留言
張貼
