佐賀燒肉谷 (雅蘭中心)

營業中

休息中

佐賀燒肉谷💮天氣開始凍啦，有咩好得過圍住個火爐燒嘢食？！ 大部份BBQ場都隔涉唔方便，所以今次就嚟旺角食日本燒肉！🥩🍗🍖 平時返工咁辛苦，梗係要對自己好啲啦，所以諗都唔使諗就揀咗💮lv.5 嘅日本九州產黑毛和牛海鮮放題，每位成人嘅價錢係$688💮，就可以食到好多款唔同嘅日本牛肉！包括有1️⃣究極日本和牛三角嫩肌、2️⃣極上黑毛和牛薄炙牛肋肉、3️⃣極上黑毛和牛角切、4️⃣極上黑毛和牛肩胛、5️⃣極上黑毛和牛小排、6️⃣極上黑毛和牛牛肋條🐂🐄🐂 呢六款入面牛味最濃郁嘅就係極上黑毛和牛牛肋條🤤🤤而最香油脂味嘅就係極上黑毛和牛角切😋😋 除咗呢六款日本九州產黑毛和牛之外，我最推薦嘅就係煙燻壺漬封門柳，簡直就係牛嘅靈魂之選！牛味非常香濃，肉質軟腍有口感，加上有佢哋嘅獨家秘方醃製，令到味道層次更加豐富，絕對係必點系列！另一個大家好關注嘅位，當然就係海鮮啦! 呢度嘅選擇亦都非常之多，包括有蒲燒鰻魚、海魚魚干、花魚一夜干、原隻鮑魚燒、原條魷魚筒、大海老、醬燒廣島蠔、鹽燒三文魚鰭、帆立貝、法國黃金螺、多春魚、半殼青口、燒鯖魚、清酒煮蜆，淨係每樣食一件，都足以令你飽飽啊🙈呢一個套餐嘅另外一個亮眼位，就係可以任飲asahi 生啤、