影片
更多
2024-11-25
0 瀏覽
提起觀塘美食，好多人都會諗起駱駝漆，但今次觀塘地膽帶咗我去巧明街嘅國基集團中心搵食，地理位置更加方便，搭𨋢仲好快添。「六兩三」呢間餐廳喺尖沙咀都有分店。我認為觀塘嘅分店比較寬敞，坐得好舒服。最近天氣變凍，一坐低見到個餐牌有最愛嘅煲仔飯，緊係要叫黎暖暖胃，連菜同小食仲有野飲都係$100左右，勁抵！！即刻點左個咖哩牛筋腩煲仔飯。花枝丸小食，第一次見點蛋黃醬食，配搭幾新鮮。之後嚟咗個炸黃金地瓜條，外脆內軟，每一條都有濃濃嘅番薯味，非常啱食。之後就到咗主角煲仔飯出場，個飯嚟到未打開已經聞到好香咖喱味，一打開蓋香味溢出，咖哩微辣唔會太搶口，牛腩大嚿唔韌、牛筋夠爽，最重要飯焦夠脆夠香，非常好食。至於火鍋，揀咗蕃茄昆布湯底，湯底夠濃夠香，未落料已經一人飲咗一碗。同埋佢個配料都算多，有菜有丸，我地仲加咗個鹿兒島和牛，黎到一睇就知係靚牛，油脂分布平均，牛肉顏色又靚，仲要食落勁重牛肉味，非常推介！嘢飲方面，我懶健康，叫咗杯無糖冷泡茶，好清新，朋友就叫咗珍珠奶綠，甜度適中，我都忍唔住係咁偷飲。總括嚟講呢間餐廳抵食，食物又美味，服務態度又好，又會提我哋小心個煲仔飯熱，又主動幫我哋個邊爐加湯底，支持用心製作嘅小
「六兩三」呢間餐廳喺尖沙咀都有分店。我認為觀塘嘅分店比較寬敞，坐得好舒服。
最近天氣變凍，一坐低見到個餐牌有最愛嘅煲仔飯，緊係要叫黎暖暖胃，連菜同小食仲有野飲都係$100左右，勁抵！！即刻點左個咖哩牛筋腩煲仔飯。
花枝丸小食，第一次見點蛋黃醬食，配搭幾新鮮。
之後嚟咗個炸黃金地瓜條，外脆內軟，每一條都有濃濃嘅番薯味，非常啱食。
之後就到咗主角煲仔飯出場，個飯嚟到未打開已經聞到好香咖喱味，一打開蓋香味溢出，咖哩微辣唔會太搶口，牛腩大嚿唔韌、牛筋夠爽，最重要飯焦夠脆夠香，非常好食。
至於火鍋，揀咗蕃茄昆布湯底，湯底夠濃夠香，未落料已經一人飲咗一碗。同埋佢個配料都算多，有菜有丸，我地仲加咗個鹿兒島和牛，黎到一睇就知係靚牛，油脂分布平均，牛肉顏色又靚，仲要食落勁重牛肉味，非常推介！
嘢飲方面，我懶健康，叫咗杯無糖冷泡茶，好清新，朋友就叫咗珍珠奶綠，甜度適中，我都忍唔住係咁偷飲。
總括嚟講呢間餐廳抵食，食物又美味，服務態度又好，又會提我哋小心個煲仔飯熱，又主動幫我哋個邊爐加湯底，支持用心製作嘅小店，會再幫襯。
張貼
