板長壽司 (東角Laforet) (已結業)

今晚我們又再去咗「板長壽司」嘅銅鑼灣東角店食晚飯！我們叫咗隻自選雜錦刺身船、燒原條鰻魚、原隻鮑魚壽司「鰻魚汁」、中吞拿魚腩刺身、原條秋刀魚刺身、帆立貝壽司、油甘魚壽司「柚子香末」、珍寶赤蝦壽司、金目鯛壽司、赤貝壽司、秋刀魚壽司、平目魚背壽司、溫泉玉子、鯛魚湯同牛油果醬吞拿魚沙律！之前試過原隻鮑魚壽司係跟完原汁，但今次我們要求配「鰻魚汁」嚟試吓，結果味道真係令我們喜出望外，出奇地鮮甜，鮑魚嘅肉質非常鮮嫩彈牙！燒原條鰻魚嘅肉質非常嫩滑彈牙，同埋價錢仲好優惠，原條都只係賣$138咋，真係好抵食！係本人嘅必食推介！中吞拿魚腩刺身真係超新鮮，好厚切，濃濃嘅魚香味，入口即溶！原條秋刀魚刺身嘅魚味非常甘香，肉質非常香滑！平目魚背壽司嘅肉質非常爽口彈牙！甜品北海道牛乳布丁真係非常香滑，牛乳嘅味道非常濃郁！