南瀛水產

今日同朋友去咗尖沙咀「南瀛水產」食飯🥰餐廳主打日本料理，有🐟刺身、🍣壽司、🥗前菜、🍱丼飯、鍋物、🦀浜燒海鮮、日式料理等，環境仲幾舒服tim☺️一開始點咗個🥗海鮮沙律，份量都幾足，粒粒刺身配上爽脆嘅沙律菜，加埋啲醬汁，酸酸甜甜，好開胃😛跟住就到重頭戲——🦀甲羅燒，由店員親手燒，香濃嘅蟹膏加蟹籽、蟹肉同鵪鶉蛋，燒到啱啱好，仲完全唔膩😍 我仲叫咗炸池魚仔🐟，炸得金黃酥脆❗️🍣壽司方面，飛魚子壽司爆漿爽口嘅口感真係好過癮😆三文魚卷嘅三文魚新鮮肥美，卷物嘅飯粒軟硬適中☺️刺身五點盛有五款刺身，有🐟三文魚、拖羅、帶子、🦐甜蝦等，每款都切得厚薄適中，味道仲幾鮮甜😋最後我哋仲點咗個南瀛卷，呢個卷物上面鋪咗隻甜蝦、海膽、三文魚子、🐟吞拿魚蓉蛋，材料豐富，口感層次分明，食落去好有驚喜，絕對係必試之選😍