究極堂 (永光中心)

營業中

休息中

噚日係公司俾啲小人激親，激嬲！忍唔住同老公講今晚唔煮飯，都係出街食。老公聽咗之後竟然表現超開心 😒 （佢之後話好耐冇出街拍吓拖，所以聽到嘅時候好直接表達咗可以即刻食飯，拍拖嘅喜悅喎😏）以前拍拖嘅時候，都會去下究極堂食飯，因為真係好鍾意佢個究極丼，不過，以前食開嘅係喺炮台山嗰邊，今日因為老公喺銅鑼灣，所以就話不如試吓食銅鑼灣嗰間。唔知點解，可能係情意結嘅關係，我都係鍾意炮台山嗰間多啲。😅噚晚點左除咗平時必食的究極丼、雞軟骨&忌廉薯餅外，仲試下新菜式：煙燻蒜香火炙吞拿魚、明太子雜菌地雞薄餅及心形焦糖玉子 （尋晚放棄咗我哋平時成日食既三色丼、海鮮杯、蟹籽沙律及串燒）發現明太子雜菌地雞薄餅超多芝士，超好食！下次應該會再encore。不過，如果下次都係多啲人食，咁可以食埋我哋平時食開嘅菜式就好啦。😋食完飯，老公仲送咗束花俾我，話叫我消吓氣、行吓火，令我覺得似去返以前拍拖感覺咁，真係幾好😆