悅火 (已結業)

今日去咗悅火果呢間餐廳食嘢，喺科學館隔離紅磡站行幾分鐘就到，好容易搵到😍聽聞呢間餐廳號爐端燒好正，所以我呢個爐端燒fans就去試吓😙餐廳喺地舖，門外掛咗好多紅紅嘅燈籠，爐端燒區落樓梯一層就到，見到爐端燒區枱面擺滿晒食材，師傅用炭爐燒，好有風味，勁似去咗日本咁😎我就叫咗個爐端燒御膳 ，入面有蝴蝶鯖魚，配有沙律，蒸蛋，麵豉湯，白飯，仲可以揀要甜品定咖啡😆佢試到嚟個擺盤好靚，打卡一流👍🏻我想重點講下個蝴蝶鯖魚，鯖魚超級大份，燒得岩岩好，唔會太朝太柴，而且有濃濃嘅炭薰分味，超香😋魚味香濃，鮮味十足，好有口感😄另外，佢嘅麵豉湯都一流，入面有好多昆布，麵豉味超級濃郁，味噌鹹道剛好，正☺️而沙律鮮味美味，配有蟹籽，食落卜卜脆，口感好爽，加入蟹子亦令成個沙律味道提升一個層次😌最後，想講嘅係餐好環境好好，師傅好用心製作食物，食物新鮮，侍應服務態度友善，下次會再嚟光顧😆