반찬앤쿡 Banchan and Cook (時代廣場) (已結業)

臨近萬聖節，餐廳都推岀不少應節嘅萬聖節食物🥰南瓜八爪魚蛋包飯$158一定要食呢度嘅蛋包飯，賣相好靚，蛋皮上仲有個萬聖節南瓜。 𠝹開簿簿嘅蛋皮，蛋漿流岀，好治癒。個飯本身已調味，配埋嫩滑蛋汁，唔錯。南瓜清甜厚切，八爪魚🐙煮得剛好，爽口帶嚼勁，但係一啲都唔韌，再配埋佢個韓式辣汁，真係好好食🥹傅統紫菜包飯 $78份量都唔少，有青瓜蘿蔔酸瓜絲，牛肉，爽口清新又唔膩，健康之選黑炸醬韓式炸雞（有骨半份）$118上面有煙韌年糕，炸漿唔算太厚，即叫即整，炸至外層金黃香脆，入口熱辣辣，雞肉尚算嫩而多汁，下面仲有邪惡嘅炸薯條，食完之後真係要做返多啲運動還債🙊烤朱古力棉花糖 $78呢個棉花糖考得超好食，外層薄脆，入面質感軟綿，再加埋朱古力醬同餅乾碎，口感層次豐富😙。雖然少貴，但堅係好食。吸血鬼的梳打 $48其實係紅莓汁梳打，酸酸甜甜好開胃，仲有一粒清甜荔枝炎炎夏日解渴一流！焦糖脆脆鮮奶咖啡 $48咖啡拉花好精緻，唔止睇得，啲味道都很好，朋友讚好飲。餐廳舒適企理，食物質素可以，下次再嚟試其他嘢。