Moodie Wine & Dine

營業中

休息中

今日放工同朋友嚟到中環一帶食好西，見到依家西班牙餐廳幾特別，價錢又唔算好貴，就入咗去試吓。我哋兩個都唔係好肚餓，所以淨係叫咗一個芝士三重奏肉醬扁意大利粉（$178）share食，估唔到份量到幾大，我哋兩個都食到好飽，佢哋嘅芝士真係一流，最吸引我嘅一定係佢面頭嘅芝士塊，效率唔算好脆，但係芝士味超濃，幾好咬口，配埋面頭嘅芝士粉同埋焗芝士，滿足晒芝士愛好者嘅三個願望，而佢哋嘅肉醬份量都好多，超級抵食。我哋當然唔夠喉啦，所以就嗌咗一個Tiramisu 雪糕share食，佢有一世杯Espresso俾你淋上面，佢哋朱古力粉係跣水嘅，所以espresso一粒一粒咁跣落嚟，非常治癒。最後我哋仲嗌咗兩杯朱古力，朱古力味好濃，配埋超多嘅朱古力粒，啱晒朱古力迷。