鮨玥 (已結業)

咁啱同女朋友由三家村搭船去到西灣河碼頭，喺呢個咁chill嘅環境下，食一餐高級日本菜就至啱不過啦🤪🤪 鮨玥座落係離西灣河碼頭不遠既地鋪，見到有omakase set就當然唔可以錯過啦啦1. 唐揚嫩雞先來一個小食，炸雞鮮嫩多汁，雞肉上面鋪上薄薄的炸皮，係我既至愛呀🥰2. 唐揚日本池魚苗呢款炸物份量非常多，仲要係平時出面少見既炸池魚苗，而且都係炸得恰到好處！3.蔥本鮪魚腩海膽丼終於嚟到我哋嘅主菜，吞拿魚蓉配上新鮮海膽嘅刺身丼，食得出本身食材嘅新鮮，而飯選用日本珍珠米，質素非常高👍👍4.本鮪寿司盛繼續係我哋至愛嘅拖羅，呢款一set六件嘅壽司盛，有唔同口感同油脂分布既拖羅壽司，我當然我哋最愛嘅就係大拖，啲油脂真係喺口腔到爆出嚟。5. 北海丼依款刺身丼可以以豪華黎形容，滿足晒有選擇困難症嘅朋友，有超過八種既高級刺身，當中我最喜愛既就係圖中既鮑魚，有口感同啖啖肉，以此作結實在完美！