上海姥姥 (Citylink)

營業中

休息中

下午茶時間想食啲精緻點心，就入咗嚟呢間上海菜試下。我個人幾鐘意食芝麻醬手撕雞，所以就嗌咗輕盈size嘅雞撕粉皮。嚟到個陣有啲驚訝，因為都真係幾mini, 不過味道唔錯，花生味幾重，只係價錢上貴咗啲。點心就嗌咗蔥油餅同小龍蝦小籠包，蔥油餅外皮夠脆，芝麻配香蔥食落去好香口。至於小籠包賣相精緻，皮薄多肉汁，咬開真係有龍蝦肉係入面!最後仲未夠飽叫咗個牛肉炒麵配雲吞湯，食落有少少辣，炒麵都算中規中矩，個湯幾好飲，清得嚟又有味。下次嚟會再試其他點心。