回春

營業中

休息中

位於荔枝角嘅特式小店秘製冬陰青口海鮮蝴蝶粉 $108冬陰公酸酸辣辣，非常開胃。有青口，蜆肉，墨魚等海鮮，都新鮮，青口肉質鮮甜，蝴蝶粉吸哂湯汁，食落去彈牙有嚼勁，味道層次分明。黑松露白菌意大利飯 $88意大利飯煮得啱啱好，飯粒略帶咬口，黑松露嘅香氣同白菌嘅鮮味結合得非常好，食落去香味四溢，唔會過重，反而好清爽。大福雪糕牛角包窩夫 $128牛角包外脆內軟，配埋窩夫嘅香脆口感，食落去鬆化得嚟又唔會太膩。仲以為有糯米皮嘅雪糕添😳雪糕冰涼香甜，同窩夫好夾，仲有新鮮golden Kiwi，邪惡得嚟又帶點健康🫢火龍果杞子莓莓燕麥奶昔 $38叫咗少糖，呢杯奶昔嘅顏色好靚，火龍果同莓果嘅味道好清新，杞子帶嚟少少甜味，燕麥奶嘅口感順滑，飲落去唔會太甜，健康得嚟又有飽肚感，非常解渴。凍白茶好清雅，飲完好解膩。