影片
更多
2020-11-11
167 瀏覽
雖然本身住將軍澳，但對於康城商場開幕都係萬二分期待!明知頭一星期開幕一定好多人，所以我地等大家熱情冷卻左先黎朝聖!Phase 2開埋多左好多食肆，趁呢個時候我地就去試一試呢間泰國野! 泰式拼盤-蝦餅、鳳凰丸、春卷樣樣小食都好似好正咁，所以叫個泰式拼盤就一定冇走雞!拼盤內有蝦餅、鳳凰丸、春卷，蝦餅好大件，就算切開左一半都好大件，咬落口好香蝦味，外層好脆而入面既蝦膠好彈牙，勁既點係食落又唔覺得油膩~鳳凰丸就咁睇以為係豬肉丸或者貢丸，但食落口又唔係彈牙果隻口感，係平時食意粉配肉丸既口感，而且落既香料好泰式，好特別~春卷同樣卜卜脆，入面好重芋頭味，岩哂我! 招牌蛋咖哩蟹肉枕頭包因為我係一個麵包控，見到餐廳有農夫包都一定會嗌~貪佢大大份又好味又飽肚!不過好多地方既農夫包有個缺點就係外皮會好硬，咬到牙都甩~呢度既稱呼唔係叫農夫包，而係叫枕頭包~食落就知同平時既唔同~因為顧名思義，枕頭包真係好似枕頭咁軟熟!外皮脆度適中，但係麵包既質地超柔軟，一咬就咬得開~入面裝住既咖哩味道香濃，泰國既蛋咖哩唔會太辣，個個都岩食!呢個招牌蛋咖哩蟹肉枕頭包既蟹肉全部真材實料拆開哂D蟹肉，份量仲要超多!又新鮮又足料，難怪
泰式拼盤-蝦餅、鳳凰丸、春卷
樣樣小食都好似好正咁，所以叫個泰式拼盤就一定冇走雞!拼盤內有蝦餅、鳳凰丸、春卷，蝦餅好大件，就算切開左一半都好大件，咬落口好香蝦味，外層好脆而入面既蝦膠好彈牙，勁既點係食落又唔覺得油膩~鳳凰丸就咁睇以為係豬肉丸或者貢丸，但食落口又唔係彈牙果隻口感，係平時食意粉配肉丸既口感，而且落既香料好泰式，好特別~春卷同樣卜卜脆，入面好重芋頭味，岩哂我!
招牌蛋咖哩蟹肉枕頭包
因為我係一個麵包控，見到餐廳有農夫包都一定會嗌~貪佢大大份又好味又飽肚!不過好多地方既農夫包有個缺點就係外皮會好硬，咬到牙都甩~呢度既稱呼唔係叫農夫包，而係叫枕頭包~食落就知同平時既唔同~因為顧名思義，枕頭包真係好似枕頭咁軟熟!外皮脆度適中，但係麵包既質地超柔軟，一咬就咬得開~入面裝住既咖哩味道香濃，泰國既蛋咖哩唔會太辣，個個都岩食!呢個招牌蛋咖哩蟹肉枕頭包既蟹肉全部真材實料拆開哂D蟹肉，份量仲要超多!又新鮮又足料，難怪係招牌菜之一!我地成個連汁全部清哂~XD
金磚蒜蓉包
呢個金磚蒜蓉包個名勁好聽~金磚喎~個個都想要啦!佢既形狀係切成長條形，非常容易入口，蒜蓉同牛油味好濃，就咁食都已經係一個好好味既小食~因為我地仲有好多咖哩汁，就點埋D蛋咖哩食~真係超級配!$28有4條真係抵嗌!
泰國椰青
飲品叫左兩個泰國椰青，兩個大大個開好，配上飲筒同支長匙羹俾你方便食椰肉~真係好貼心~椰青水好清甜解渴，飲到停唔到~啜一啖椰青水，食一啖椰肉，真係好高享受~
最後不得不讚呢度既店員，雖然係新開業但都冇甩單或等好耐既情況出現，仲個個都好有禮貌，抵讚！
張貼
