影片
更多
4天前
0 瀏覽
𝕮𝖔𝖋𝖋𝖊𝖊 𝖎𝖘 𝖙𝖍𝖊 𝖓𝖊𝖈𝖙𝖆𝖗 𝖔𝖋 𝖙𝖍𝖊 𝖌𝖔𝖉𝖘我最鍾意嘅咖啡探店時間又到了！港島區一向都好多咖啡小店，今日去呢間位於西環新開嘅咖啡店嘆☕️：飲品🤎精品咖啡手沖咖啡有兩款係丹麥嘅April coffee，另外三隻都係老闆自己炒，咁梗係試吓老闆手勢啦(〃∀〃)Origin: Ethiopia Bekele Ututtie Bensa SidamaVarietal: 74110, 74112, 74158Altitude: 2150 ma.slProcess: NaturalTasting Notes: Mangosteen, Bergamot🧡店家好細心，提供兩隻唔同嘅杯俾我哋做tasting，咖啡師都會做介紹：窄口酸甜比較出啲，花香味比較重啲，闊口杯就酸甜苦比較平均！呢隻豆呈現咗日曬豆嘅特性，風味比較複雜，入口就好濃郁嘅柑橘風味，輕微嘅花香，高酸中甜低苦，但係後段都有少少甘味！💚開心果鮮奶🥛杯邊嘅開心果粒粒，加上混合咗開心果醬，令到你每一啖都會有開心果嘅風味，奶面都會有奶泡，個奶泡都打得綿密！🦐自家製虎蝦濃湯飲管粉飲管粉更加能夠吸收醬汁，造到Juicy 口感，食得出醬汁作
我最鍾意嘅咖啡探店時間又到了！港島區一向都好多咖啡小店，今日去呢間位於西環新開嘅咖啡店嘆☕️：
飲品
🤎精品咖啡
手沖咖啡有兩款係丹麥嘅April coffee，另外三隻都係老闆自己炒，咁梗係試吓老闆手勢啦(〃∀〃)
Origin: Ethiopia Bekele Ututtie Bensa Sidama
Varietal: 74110, 74112, 74158
Altitude: 2150 ma.sl
Process: Natural
Tasting Notes: Mangosteen, Bergamot🧡
店家好細心，提供兩隻唔同嘅杯俾我哋做tasting，咖啡師都會做介紹：窄口酸甜比較出啲，花香味比較重啲，闊口杯就酸甜苦比較平均！
呢隻豆呈現咗日曬豆嘅特性，風味比較複雜，入口就好濃郁嘅柑橘風味，輕微嘅花香，高酸中甜低苦，但係後段都有少少甘味！
💚開心果鮮奶🥛
杯邊嘅開心果粒粒，加上混合咗開心果醬，令到你每一啖都會有開心果嘅風味，奶面都會有奶泡，個奶泡都打得綿密！
🦐自家製虎蝦濃湯飲管粉
飲管粉更加能夠吸收醬汁，造到Juicy 口感，食得出醬汁作用咗勁多蝦殼蝦頭去煲，一入口爆香蝦味，仲加咗橄欖油，食落去鹹香味比較重，
蝦🦐都夠大隻，加咗黑椒粒粒，整體感覺好豐富！
🐷手撕豬三文治
三文治餡料係BBQ手撕豬肉，裏面仲加椰菜、紫椰菜，特別之處係醬汁加咗espresso 同蘋果醋，我仲食到有少少沙律醬，全部野加埋衝擊味蕾！
另外我都問咗：House blend 係Ethiopia natural ，偏nutty 中烘，風味係chocolate朱古力🤎所以加入去個醬汁度都唔會好兀突！
🍩甜點
💚開心果蛋糕配雲尼拿🤍馬斯卡彭芝士🧀，黑朱古力碎粒及自家製開心果醬
淋上面嘅開心果醬食得出係原粒開心果製作 ，呢個像係偏甜嘅，但係同蛋糕一齊食就啱啱好，開心果醬質感好濃稠，配咗一個凍嘅甜mascarpone cheese，仲有少少朱古力碎作為點綴，如果開心果控應該會鍾意！
✨感受到咖啡店製作用心，好近堅尼地城地鐵站，大家可以一試！
張貼
