印尼沙爹屋 (已結業)

二月十四，我邀請 mandy去美麗華酒店食buffet 被拒絕之後，晚上我一個人在紅磡度步。 係一個生無可戀嘅狀態之下，我聞到一絲絲沙嗲嘅味道，於是揾到呢個印尼 沙嗲屋。我點咗一個雞扒飯，42蚊。 就係我等緊外賣時候，喺我身邊一對男女都喺度等緊。 當時見到佢哋喺度纏綿，就令我諗起點樣畀mandy拒絕。 我真係好想跑返屋企喊， 但係我個飯就煮緊，老細又話就嚟得。 我唯有忍著淚，等待我的雞扒飯。當我返到屋企打開呢盒飯嘅時候， 發現有 好多沙爹醬， 有好多雞扒，有啲花生又 有啲蔬菜仲有好多飯。於是我攞個磅磅下盒飯，原來有成600 gram。 味道又真係唔錯， 有得揀辣同唔辣，我就揀左小辣。 都真係好香，亦都食得好飽。 我一路食 一路同自己講，明天會更好 ， 而呢一盒飯就係情人節畀我最好嘅安慰。