米線陣 (海富中心)

營業中

休息中

今日去金鐘搵男朋友食午餐，當然食我地最鐘意既米線。我去攞飛先，都排左15分鐘先入得去。我就嗌左濃茄金茹牛𦟌生菜米線，好多茄肉，但茄味唔濃，牛𦟌好爽口，米線都彈牙。男友嗌左辣茄肥牛魚腐米線，呢碗個湯底係麻辣，又幾唔錯喎！好開胃，配埋茄肉都好夾。野飲嗌左芒果鐵觀音，好味呀呢杯，真係成個茶包掟入黎，又有芒果肉，但記得要少甜。小食嗌左黑醋豬軟骨，呢樣係唔好味既，原來佢係冷盤，味道偏甜，有點肥。最尾食到勁飽，呢個價錢呢個地區都ok丫！