影片
更多
2019-09-22
1153 瀏覽
生活總是忙碌，好耐無同屋企人好好咁食一餐，大家之前各有各忙，所以早排抽到時間就全家人一齊出街食飯，大家揀完一輪之後，決定黎莆田食晚飯叫左個精美小拼，入面有蝦苗拌頭水紫菜、水晶豬蹄凍、滷水嫩豆腐同九轉小腸，味道各有特式，尤其係拌頭水紫菜個人幾鍾意，食完之後特別醒胃食完拼盤前菜，就送黎閩香洋燒排，炆得非常入味同好稔身，輕輕咬開已經可以撕開，仲有燒汁帶少少微酸，都幾開胃，配飯食真係一流媽媽最鍾意就係依道酥炒芋芯，表面有薄薄既糖衣包住，咬落去好香脆，而且味道甜甜地，好食到停唔到口，佢個鹹味慢慢滲出黎，芋芯裡面仲要好軟熟，好味道！呢道菜估唔到有萬分驚喜參巴爆蟶肉既蟶子咬落好彈牙，再加埋爽口既韭菜芯，超正呀！而且呢道餸炒得好有穫氣，惹味十足另一道蒜蓉蒸蟶子肉係我第一次咁食蒜蓉蒸法既蟶子，蟶子肉入口多汁，再加埋蒜蓉既香味，非常之夾，真係值得一試最後個興化炒米粉，第一次食到依種咁幼身既米粉，質感好爽口，成個米粉炒至乾身又唔會難入口，不過個人喜歡食帶少少汁既米粉，如果加返少少汁咁食會更正
叫左個精美小拼，入面有蝦苗拌頭水紫菜、水晶豬蹄凍、滷水嫩豆腐同九轉小腸，味道各有特式，尤其係拌頭水紫菜個人幾鍾意，食完之後特別醒胃
食完拼盤前菜，就送黎閩香洋燒排，炆得非常入味同好稔身，輕輕咬開已經可以撕開，仲有燒汁帶少少微酸，都幾開胃，配飯食真係一流
媽媽最鍾意就係依道酥炒芋芯，表面有薄薄既糖衣包住，咬落去好香脆，而且味道甜甜地，好食到停唔到口，佢個鹹味慢慢滲出黎，芋芯裡面仲要好軟熟，好味道！呢道菜估唔到有萬分驚喜
參巴爆蟶肉既蟶子咬落好彈牙，再加埋爽口既韭菜芯，超正呀！而且呢道餸炒得好有穫氣，惹味十足
另一道蒜蓉蒸蟶子肉係我第一次咁食蒜蓉蒸法既蟶子，蟶子肉入口多汁，再加埋蒜蓉既香味，非常之夾，真係值得一試
最後個興化炒米粉，第一次食到依種咁幼身既米粉，質感好爽口，成個米粉炒至乾身又唔會難入口，不過個人喜歡食帶少少汁既米粉，如果加返少少汁咁食會更正
張貼
