喵一下 (已搬遷) 新店位置

放假去pmq chill下，每次都會比呢間cafe既裝修吸引，今次一於入去試下。可能因為下午茶時間，入面唔係好多人，我地兩個人都可以坐到四人枱，裝修以台灣文青風為主，予人感覺舒服。食物方面，首先講下呢個台式醉雞，感覺好足料，酒味濃郁，但可能因為咁所以食到最尾有d苦澀，反而係醃過既車厘茄酸酸甜甜好惹味。肉鬆起司蛋餅，饀料冇想像中豐富，不過不失至於呢個岩鹽拿鐵，唔知係咪因爲加左冰，奶味略嫌不足，成杯咖啡比較水。整體黎講，feel到餐廳係有心打造一個鬧市既文青聚腳點，食物同咖啡則不過不失，唔可以話差但又未去到好有驚喜。