羅麥記 (荃新天地) (已結業)

今晚約咗好耐無見嘅親戚食飯，於是來到羅麥記，貪佢人流少。但係千祈唔好以為佢地啲野唔好食，相反佢地嘅食物好有特色，包你一試難忘。由於多人一齊食，所以可以試到多好多野。由於時間久遠，唔記得好多野，所以只講重點。我最想介紹嘅，就係呢款招牌菜喇︰麵包飯。值得食嘅原因唔單止係好味，而且會令到你嘅人生變得精彩。你會發現，原來食野係可以咁攰嘅，食野可以變得咁複雜，食野係可以辛苦過返工呀﹗﹗呢個係另一個口味，都係一樣咁需要默默耕耘。一啖麵包一啖飯，你試過未？我就夠喇。呢個就係麵包飯嘅施工圖，可以見到，成個方包中間包住啲飯，係好豐富嘅澱粉質，睇見到想飽。所以下次三五知己來食飯嘅話，一定要試麵包飯，包你食出友誼嘅味道。