一風堂 (德福廣場) (已結業)

今日去開九龍灣整車換油，師傅同我講無咁快，叫我去食個飯打個轉先返，咁就行去德福食飯啦。一去到，哇，到到都排長龍… 最後見到一風堂剛剛好仲有最後2個位，即刻閃入去。對拉麵情有獨鍾既我地… 其實一直都未食過香港一風堂。身邊朋友成日講到有幾好幾好食… 今日就試左。呢個豚肉炸蛋… 無錯，我地係比佢個名吸引左而叫的。幾好食﹑幾得意。其實佢係用炸豬扒皮包住溏心蛋做的。外面香口，裡面滑漏。鹽味拉麵… 認真既，麵質合格﹑豬扒有少少鞋﹑湯底味道唔均勻，有D 位咸有D 位淡。醬油拉麵… 呢個就好少少。不過湯低感覺味就都係單薄左少少。明太子雞翼… 呢個都係幾好食  食完感覺… 小食好似水準好過拉麵本身。作為一個 lunch，計埋加一後成＄110一位，其實有好多比佢好既選擇。