Bingo & Cook

營業中

休息中

唔講以為我快閃韓國，早前喺旺角朗豪坊俾我發現咗一間餐廳，成個感覺好似去咗韓國咁，又門面至到舖頭入面都充滿韓國嘅感覺，入去食飯好似去咗一轉旅行一樣。你可以俾我瘋狂打卡，真係好開心。餐廳食物價錢仲要好大眾化，我同兩個小朋友去，埋單平均每人$200有找，我叫咗部隊鍋，辛辣麵有我最愛嘅午餐肉，年糕，辣辣地真係非常開胃。套餐仲可以嗌半份炸雞，炸雞新鮮炸起，雞肉食得出好Juicy。另外真係好掛住韓國嘅醬油蟹，呢度可以少少哋食到一人份量嘅醬油蟹，蟹肉好鮮甜軟滑，好多膏超香，醬油味濃郁撈飯食一流，真係非常好食，每啖都有幸福嘅感覺。餐牌上面有好多嘢其實都好想試，不過同小朋友嚟食始終食得唔多，所以下次要再試埋其他嘢食。