百味川 (已結業)

過開黎掃平野，梗係唔好miss左葵廣出名嘅川味魚淮山麵，叫番兩個唔同味嘅滿足哂！天氣咁熱，個個都想歎下冷氣坐低食，好在佢地有幾個舖位，座位算係葵廣坐得較舒服嘅食肆。麻辣魚淮山麵、番茄魚淮山麵，麻辣少辣不失麻香，刺激味蕾，魚肉份量又多；番茄魚超濃番茄湯，係番茄控老婆必選，淮山麵夠爽，又低卡好味，岩哂！呢度嘅川辣雲耳，醋味濃麻夠香辣味少，雲耳爽口，好鬼開胃。仲有麻辣手撕雞都唔錯，食完口渴唔洗驚，飲埋餐飲夠哂飽。快靚正之選。