餃掂快線

荔枝角地鐵站一出，就見到呢間餃掂快線！餃掂我有食過，但餃掂快線係咩嚟？落幾級樓梯入去，就見到呢間新鋪，多數係圍邊高枱，好似幾岩趕時間又自己食的人，不過現場都多情侶坐埋一齊呢度實行先畀錢，後上菜！款式口味嘢飲都多選擇我揀咗1號嘅至尊松茸湯餃8隻，承惠$80！湯係配狀元九鼎湯，上網查係用順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗及鮮排骨煲成，足料得嚟，又有清熱袪濕、健脾開胃、消暑的功效，岩晒夏天飲！餃子皮薄肉好飽滿，松茸粒都多，而且仲feel到松茸滑溜溜的質感，口感幾特別！另外，我加$28試左支山楂雪梨水，呢支係佢哋自家製的，覺得都幾抵！飲落口有山渣酸尾尾的味道，好開胃；夾雜雪梨的清甜，可以解膩，無論食前定食後都岩飲，而且飲得出係純天然，無添加多餘的糖，呢啲值得加分！