一樂燒鵝

營業中

休息中

今日來到中環陪老婆產檢。見完醫生已經到左午飯時間。就順道去聞名已久既一樂食燒鵝。不愧是2015-2019年度米之蓮餐廳。去到門口已經有好幾枱食客排緊隊等緊。好快就可以入去食。可能因為香港寸金尺土。位置好窄。好迫。如果是想食環境就一定唔會鐘意呢度。咁我都拿拿聲點左個燒鵝下莊(即係4分一連肶)。加兩個白飯。5分都冇食物已經到左。燒鵝皮脆肉嫩多汁。用來醃製鵝的汁水一定是用了很多心機。和出面食到的有好大不同。見到隔離左右食得好快。自己和老婆都不其然加快速度。一食完已經有姐姐即刻過來收野走。連食加埋單只係用左4個字。個人覺得快靚正只係單點白飯原來要$18一個,咁好似直接叫一個燒鵝飯會化算D!